საქართველოს პარლამენტის იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, ცხრაპუნქტიან გეგმასთან დაკავშირებით, 29 იანვარს პოლიტიკურ ჯგუფებთან და სამოქალაქო საზოგადოების წარმომადგენლებთან სამუშაო შეხვედრა გაიმართება.მისივე თქმით, მორიგი რაუნდი იქნება სამუშაო ფორმატის ცხრა პრიორიტეტზე დისკუსიისთვის.
„დაანონსებული გვქონდა, რომ სამუშაო ფორმატი იქნებოდა უზრუნველყოფილი, სადაც შესაძლებლობა იქნებოდა საპარლამენტო უმრავლესობისა და საპარლამენტო ოპოზიციის წარმომადგენლების მონაწილეობის და დისკუსიის. ჩვენ მოვიწვევთ მათ, მათი გადასაწყვეტია, მიიღებენ თუ არა მონაწილეობას. იქნება თითოეულ საკითხთან დაკავშირებით მსჯელობა“, – განაცხადა ანრი ოხანაშვილმა.
