ზურიკო დავითაშვილმა საფრანგეთის თასზე „ნიცასთან“ მატჩში საგოლე გადაცემა შეასრულა -„ბორდომ“ მეტოქეს დიდი წინააღმდეგობა გაუწია, მაგრამ მაინც დამარცხდა 2:3 და გათამაშებას გამოეთიშა.

ქართველი ნახევარმცველის გუნდმა თასის 1/16-ფინალური შეხვედრა საკუთარ მოედანზე ჩაატარა. ლიგა 1-ის მეორეადგილოსანი „ნიცა“ თავიდან უკეთ გამოიყურებოდა და 35-ე წუთზე გესანის გოლით დაწინაურდა, ხოლო 47-ე წუთზე სანსონიმ პენალტით სტუმრების უპირატესობა ორამდე გაზარდა.

59-ე წუთზე ლივოლანის გოლმა „ბორდოს“ თამაშის გადარჩენის იმედი შეუნარჩუნა, მაგრამ სანსონის დუბლმა (60) სტუმრების ორბურთიანი უპირატესობა აღადგინა.

ზურიკო დავითაშვილი მოედანზე ამის შემდეგ ერთ წუთში შევიდა და 90-ე წუთზე მისი პასით სხვაობა გაეტან ვაისბეკმა შეამცირა, მაგრამ „ბორდომ“ თამაშის გადარჩენა ვეღარ მოახერხა.

გაზიარება