მარიამ მურღვლიანი მსოფლიოს ჩემპიონია

მექსიკაში მიმდინარე ძალოსანთა მსოფლიო ჩემპიონატზე (U20) მარიამ მურღვლიანმა (87 კგ.) იასპარეზა.

მან ატაცში თავი 95 / 99 /102 კილოგრამს გაართვა, ოქროს მედალი მოიპოვა და მსოფლიო ჩემპიონის ტიტული გაიფორმა. ძალოსანმა აკვრაში 120 / 123 კგ. დაძლია და კვლავ ოქტროს მედალი დაისაკუთრა. მარიამ მურღვლიანი ორჭიდში მოგროვილი 225 კილოგრამითაც ოქროს მედალს დაეუფლა.

საქართველოს ქალ ძალოსანთა ნაკრების მთავარი მწვრთნელია თემურ ჯანჯღავა. მარიამ მურღვლიანის პირადი მწვრთნელი - აკაკი კაკაბაძე, ექიმი-რეაბილიტოლოგი - გიორგი ჭინჭარაული.

ინფორმაციისთვის: საქართველოს ახალგაზრდული ნაკრების წევრებმა მექსიკაში მიმდინარე ძალოსანთა მსოფლიოს ჩემპიონატზე 10 მედალი მოიპოვეს.

გაზიარება