მოჭადრაკე ბელა ხოტენაშვილმა ევროპის პირველობაზე ელვისებურ ჭადრაკში ბრინჯაოს მედალი მოიპოვა

მონტე-კარლოში გამართულ ევროპის პირველობაზე ელვისებურ ჭადრაკში ქალთა შორის ქართველმა მოჭადრაკე ბელა ხოტენაშვილმა ბრინჯაოს მედალი დაიმსახურა.

სპორტსმენმა 13 ტურში 10 ქულა მოაგროვა, ისევე როგორც შვეიცარიის სახელით მოთამაშე ალექსანდრა კოსტენიუკმა და ესპანეთის სახელით მოთამაშე სარასადატ ხადემალშარიეჰმა და დამატებითი მაჩვენებლების მიხედვით ბრინჯაოს მედალს დაეუფლა.

ჩემპიონატი შვეიცარიული სისტემით ჩატარდა და მასში მონაწილეობა 24 ქვეყნის 105-მა მოჭადრაკემ მიიღო.

ევროპის პირველობის სატურნირო მდგომარეობა:

1. ალექსანდრა კოსტენიუკი - 10 ქულა;
2. სარასადატი ხადემალშარი - 10 ქულა;
3. ბელა ხოტენაშვილი - 10 ქულა;
-----------------
11. სოფიო გვეტაძე - 9,0 ქულა;
14. ნინო ბაციაშვილი - 8,5 ქულა;
27. ინგა ჭარხალაშვილი - 7,5 ქულა;
30. ლელა ჯავახიშვილი - 7,5 ქულა;
42. ინგა ხურცილავა - 7,0 ქულა.

გაზიარება