"საპატრიარქოს განცხადება ხატის შეცვლის საჭიროებასთან დაკავშირებით, ახლა, ამ არსებული დაპირისპირების და ხატის შეურაცხყოფის ფონზე, სამწუხაროდ, არის უდიდესი შეცდომა.
და ამის დამადასტურებელია ის ფაქტი, რომ ნატა ფერაძე და სხვა ლიბერალი აქტივისტები ერთხმად გამარჯვებას ზეიმობენ.
რადგან ეს გადაწყვეტილება ძალაუნებურად იმ სამწუხარო მოცემულობის დამკვიდრებას იწვევს, რომ დღეიდან ლიბერალებს და გეი აქტიბისტებს თუ ჩვენს რწმენაში და შეხედულებებში რამე არ მოეწონებათ, შეეძლებათ ტაძრებში შევარდნით და სიწმინდეების შეურაცხყიფით დაუსჯელად გაიტანონ თავისი პოზიცია და საკუთარი დღის წესრიგის და მოთხოვნების მიღება გვაიძულონ.
რაც ნიშნავს რომ ლიბერალების მკრეხელობა და ძალმომრეობა ამაზე არავითარ შემთხვევაში არ გაჩერდება და მსგავსი უბინძურესი, ანტიქრისტიანული მეთოდებით ბრძოლის ტალღა მასიურ ხასიათს მიიღებს.
აქედან გამომდინარე ახლა ხატის შეურაცხყოფის ამ ვანდალური აქტის გატარება ყოვლად დაუშვებელია და საზოგადოებამ, ერმა და ბერმა ყველაფერი უნდა გავაკეთოთ იმისთვის, რომ სამართალი ყველა წინააღმდეგობის მიუხედავად აღსრულდეს.
100 ათასი მოწამის ქვეყანაში ხატის შეურაცხყოფა დაუსჯელი არ უნდა დარჩეს!
13 იანვარს, შაბათს, 15:00 საათზე ყველანი პარლამენტთან!
ერთად მოვთხოვოთ ხელისუფლებას სამართლიანობის აღდგენა!" - აღნიშნულია კონსერვატიული მოძრაობა/ალტ-ინფოს ლიდერი, შოთა მარტინენკოს განცხადებაში

გაზიარება