გუშინ სამების საკათედრო ტაძარში ნეტარი მატრონას ხატის შეურაცხყოფის გამო მოქალაქეები, რომლებიც დღეს 12:00 საათიდან ,,ალტ-ინფოს” ოფისთან შეიკრიბნენ, ნატა ფერაძის სახლისაკენ გაემართნენ, სადაც მათ პოლიციის კორდონები დახვდათ. მოქალაქეები აღნიშნავენ, რომ ქართული ეკლესიისა და საქართველოს სიწმინდეთა შეურაცხმყოფელნი კანონით უნდა დაისაჯონ.

ნატა ფერაძის სახლთან მიმდინარე აქციაზე ,,კონსერვატიული მოძრაობა/ალტ-ინფოს” ლიდერი, გიორგი ქარდავა და ზურაბ მახარაძე მივიდნენ. მათი თქმით, სამებაში ნეტარი მატრონას ხატის შეურაცხყოფის გამო სამართალწარმოება არა ადმინისტრაციული (რომელიც 500-დან 1000 ლარამდე ჯარიმას გულისხმობს), არამედ სისხლის სამართლის კოდექსის 155-ე მუხლით უნდა დაწყებულიყო. ქარდავამ და მახარაძემ ხალხს 13 იანვარს შეკრებისაკენ მოუწოდეს, რათა ხელისუფლებას, რომელმაც ნატა ფერაძის სახლთან პოლიციის კორდონები ჩააყენა, დამნაშავეთა შესაბამის პასუიხსგებაში მიცემა ერთად მოსთხოვონ.

გაზიარება