ლაშა გაგნიძემ 22 წლამდე მოკრივეთა ევროპის ჩემპიონატზე ვერცხლის მედალი მოიპოვამონტენეგროში მიმდინარე 22 წლამდე მოკრივეთა ევროპის ჩემპიონატზე ლაშა გაგნიძემ (63.5 კგ) ფინალი ესპანელ ოიერ კონდე იბარეჩესთან დათმო და ვერცხლის მედალს დასჯერდა.
17 ნოემბერს კი ევროპის ჩემპიონატზე საქართველოს 22 წლამდე მოკრივეთა ნაკრების წევრი გიორგი გუცაევი (86 კგ) ნახევარფინალში მასპინძელი ქვეყნის, მონტენეგროს, ნაკრების მოკრივე პეტარ ლიჟეშევიცთან დამარცხდა და ტურნირზე გამოსვლა ბრინჯაოს მედლით დაასრულა.
ნახევარფინალში ბრინჯაოს მედალს დასჯერდა რაჰიბა ისმაილოვაც (48 კგ), რომელმაც ორთაბრძოლა თურქ ნურსელენ იაგეტეკინთან დათმო.
ამრიგად, ჩემპიონატზე ქართველმა მოკრივეებმა ერთი ვერცხლის და ორი ბრინჯაოს მედალი მოიპოვეს.
