„პარი სენ-ჟერმენის“ ფორვარდი კილიან მბაპე ახლოს არის მადრიდის „რეალში“ გადასვლასთან.

როგორც ინტერნეტ-გამოცემა Sport.fr იტყობინება, კლუბებმა უკვე შეათანხმეს ფეხბურთელის გადასვლის პირობები.

წყაროს ცნობით, პარიზული კლუბი მბაპეს სანაცვლოდ კომპენსაციას ბონუსის სახით მიიღებს, მიუხედავად იმისა, რომ ფრანგ ფეხბურთელს პსჟ-სთან 2024 წლის ზაფხულში ეწურება კონტრაქტი და „რეალს“ მისი მიღება უფასოდ შეეძლება.

მბაპეს ხელფასი „რეალში“ შემცირდება – სეზონში 35 მილიონი ევრო იქნება. „პარი სენ-ჟერმენში“ ის წელიწადში 54 მილიონ ევროს იღებს.

გარდა ამისა, ესპანური კლუბი შესთავაზებს მბაპეს მოედნის მიღმა ყველა უფლებას თავისი იმიჯის გამოყენებაზე, რაც უნიკალური შემთხვევაა „რეალისთვის“.

გაზიარება