მოჭადრაკე ლელა ჯავახიშვილმა ევროპის ჩემპიონატზე ბრინჯაოს მედალი მოიპოვა

საბერძნეთმა ევროპის ქალთა საჭადრაკო ჩემპიონატს უმასპინძლა. კონტინენტის პირველობაზე მესამე საპრიზო ადგილი დაიკავა ლელა ჯავახიშვილმა. ათი შესაძლებლობიდან დაგროვებული 7,5 ქულით მან ევროპის ჩემპიონატის ბრინჯაოს მედალი პირველად მოიპოვა.

აღსანიშნავია, რომ ტურნირზე მეოთხე ადგილი დაიკავა ნინო ბაციაშვილმა, რომელმაც ასევე 7,5 ქულა დააგროვა, თუმცა დამატებითი მაჩვენებლებით ბრინჯაოს მედალი ლელა ჯავახიშვილს ერგო.

ევროპის ჩემპიონატზე მიღწეული შედეგებით ლელა ჯავახიშვილმა და ნინო ბაციაშვილმა მსოფლიოს თასზე ასპარეზობის უფლება მოიპოვეს.

შეგახსენებთ, რომ 2023 წელს მონტენეგროში გამართულ კონტინენტის პირველობაზე ევროპის ჩემპიონობა მერი არაბიძემ იზეიმა.

გაზიარება