18-წლამდელთა ექვსი ერის ფესტივალზე საქართველოს ნაკრებმა საფრანგეთი დაამარცხაიტალიის ქალაქ პარმაში 18-წლამდელთა ექვსი ერის ფესტივალი მიმდინარეობს. ტურნირში საქართველოს 18 წლამდე ასაკის მორაგბეთა ნაკრები საფრანგეთს დაუპირისპირდა და მატჩი ანგარიშით 20:19 მოიგო.
შეხვედრის პირველი ტაიმი ფრანგების გამარჯვებით 19:10 დასრულდა. „ბორჯღალოსნებმა“ ანგარიშში სხვაობა მეორე ტაიმში დავით წიკლაურის ზუსტად შესრულებული ჯარიმის შედეგად შეამცირეს. მატჩის დასასრულს ანრი შველიძემ ლელო დადო, გივი სირბილაძემ კი გარდასახვა გაიტანა, შედეგად შეხვედრა ქართველების გამარჯვებით დასრულდა.
აღსანიშნავია, რომ უმცროსი „ბორჯღალოსნები“ ექვსი ერის ფესტივალზე ისტორიაში პირველად ასპარეზობენ. 7 აპრილს ქართველი მორაგბეები ინგლისელებს დაუპირისპირდებიან.
