საქართველოს ეტლით მოფარიკავე ქალთა ნაკრებმა ევროპის ჩემპიონატზე რაპირით ასპარეზობაში ბრინჯაოს მედალი მოიპოვაპარიზში ეტლით ფარიკაობაში ევროპის ჩემპიონატზე საქართველოს ეტლით მოფარიკავე ქალთა ნაკრებმა ირმა ხეცურიანის, ნინა თიბილაშვილისა და გვანცა ზადიშვილის შემადგენლობით, რაპირით ასპარეზობაში, გუნდურ შეჯიბრებაში, მესამე საპრიზო ადგილი დაიკავა.
ქართველი პარასპორტსმენები მესამე ადგილისთვის ბრძოლაში იტალიის გუნდს შეხვდნენ, ბრძოლა ანგარიშით 32:45 დათმეს და ბრინჯაოს მედლები მოიპოვეს.
შეგახსენებთ, რომ ევროპის ჩემპიონატზე საქართველოს ეტლით მოფარიკავე ქალთა ნაკრებმა ასევე მესამე ადგილი დაიკავა ხმლით ფარიკაობაში. სულ საქართველოს ნაკრების ანგარიშზე ხუთი მედალია: ორი ბრინჯაო გუნდურ ასპარეზობებში, ორი ვერცხლი და ერთი ბრინჯაო კი - ინდივიდუალურ შეჯიბრებაში. ხმლით ფარიკაობაში ვერცხლის მედალი ირმა ხეცურიანმა და ნინა თიბილაშვილმა მოიპოვეს. ირმა ხეცურიანმა რაპირით ასპარეზობაში ბრინჯაოს მედალი მოიპოვა.
