დღეს მეტად საინტერესო სპორტსმენსა და გამორჩეულ ადამიანზე მინდა მოგიყვეთ. მას ასე უწოდებენ, CR-7.
ის ერთ-ერთი ყველაზე საპატივსაცემო ფეხბურთელია ფეხბურთის ისტორიაში, გამორჩეული თავისი შრომისმოყვარე-
ობით, საფეხბურთო ჟინითა და ფიზიკური მონაცემებით...
ახლახანს ის 39 წლის გახდა. მიუხედავად ამისა, ის დღესაც საუკეთესოა მწვანე მინდორზე და ისევე ეფექტურია და შედეგიანი, როგორც 17 წლის ასაკში. უკვე მიხვდით ალბათ თუ ვისზეა საუბარი. დიახ, ეს კრიშტიანუ რონალდუ დუშ სანტუშ ავეირუა, ხოლო 7-ნი კი მის მაისურზე გამოსახული და მისი განუყრელი ნომერია. დიახ, ასეთია მისი სრული სახელი და გვარი. ასე რომ, რონალდუ მისი გვარი არაა, ეს მხოლოდ მისი მეორე სახელია, რომელიც მას პოლიტიკის მოყვარულმა მამამ რონალდ რეიგანის საპატივცემულოდ დაარქვა.
ბიჭი არც თუ ისე დიდ საფეხბურთო ქვეყანაში, პორტუგალიაში, კუნძულ მადეირაზე, ამავე სახელწოდების ქალაქში დაიბადა. ექვს სულიანი, ღარიბი ოჯახი ერთ პატარა ოთახში ცხოვრობდა. კრიშტიანუს დედა მზარეული იყო, მამა კი მებაღე, რომელიც მუდმივად ალკოჰოლს ეტანებოდა და ამის გამო ახალგაზრდულ ასაკში, 52 წლისა გარდაიცვალა. სწორედ ამიტომაა, რომ ჩვენს გმირს ცხოვრებაში გემოთიც კი არ გაუსინჯავს სასმელი...
კრიშტიანუ სრულიად შემთხვევით გახდა ფეხბურთელი. ის 14 წლის იყო, როცა ბიჭმა, რომელიც ცხოვრებაში ძალიან მშვიდია და მისთვის აგრესია საერთოდ უცხოა, გაკვეთილზე სკამი ესროლა მასწავლებელს. ბიჭი სკოლიდან გარიცხეს, თანაც რომელიმე სასწავლებელში აღდგენის უფლების გარეშე. ამიტომაც ურჩიეს მშობლებმა ბიჭს სპორტით, კერძოდ კი ფეხბურთით დაკავებულიყო...
ჩვენს სახელოვან გმირს, რომელიც გახეული ფეხსაცმელებით დადიოდა, ბუცების ყიდვის საშუალება რასაკვირველია არ ჰქონდა. სწორედ ამიტომ, კრიშტიანუს დედა სამუშაოს შემდეგ სადარბაზოებს ასუფთავებდა...
კრიშტიანუ გამხდარი და ფიზიკურად სუსტი ყმაწვილი იყო, მაგრამ, როგორც უკვე ვახსენე, საოცრად ჟინიანი და შრომისმოყვარე. ბიჭი საოცრად მიზანდასახული იყო და თავგამოდებით ვარჯიშობდა. ამიტომაც გახდა კრიშტიანუ ფეხბურთის ისტორიაში ფიზიკურად ყველაზე ძლიერი და დაუღალავი მოთამაშე.
მას უამრავი, ათასობით საფეხბურთო რეკორდი ეკუთვნის. კრიშტიანუს ფეხბურთის ისტორიაში ყველაზე მეტი გოლი აქვს გატანილი ოფიციალურ შეხვედრებში. მას აქვს უძლიერესი დარტყმა. კრიშტიანუს დარტყმული ბურთი 130 კმ.სთ. სიჩქარით მიფრინავს. იყო ასეთი შემთხვევა, როცა ფეხბურთელის დარტყმული ბურთი ტრიბუნებისკენ გაფრინდა და 11 წლის მაყურებელმა ბურთს ხელები დაუხვედრა, რომ ის დაეჭირა. სამწუხაროდ, ბავშვს ორივე ხელი მაჯაში გადაუტყდა...
ვინც მის თამაშებს ადევნენთ თვალს, შეამჩნევდით, რომ მას ტატუ არა აქვს( გატანილ გოლს რონალდუ წელს ზემოთ გაშიშვლებული აღნიშნავს ხოლმე). ეს კი, მის ზედმიწევნით კაცთმოყვარე ბუნებასთანაა კავშირში. ის დამსახურებული დონორია და სისტემატურად აბარებს სისხლს. დონორობა და ტატუ კი, ორი შეუთავსებელი რამაა. ამასთან, უკვე 22 წელია რაც კრიშტიანუ ქველმოქმედებითაა დაკავებული და ყოველწლიურად ათობით მილიონ დოლარს ხარჯავს
თავისი ფონდების მეშვეობით...
ახლა, არ იკითხავთ, თუ რა ღირს დღეს 39 წლის ფეხბურთელიი? დიახ, დიახ, არ მოგჩვენებიათ, ფეხბურთელი სწორად ამდენი, 1000000000 დოლარი ღირს. გადაიხადეთ ბატონებო აღნიშნული თანხა და კრიშტიანუ სიამოვნებით გახდება თქვენი გუნდის წევრი...
მას სამუდამო კონტრაქტი აქვს გაფორმებული ნაიკის ფირმასთან, რაც იმას ნიშნავს, რომ ნაიკი მის სახელს მისი გარდაცვალების შემდეგაც გამოიყენებს...
და ბოლოს, კრიშტიანუს სახელი ჰქვია ახალ გალაქტიკას, რომელიც პორტუგალიელმა ასტროლოგებმა აღმოაჩინეს.
დამელოდეთ, მე კვლავ მოვალ თქვენთან...

პატივისცემით,
ვარდენ მეკალმიშვილი.

გაზიარება