საქართველოს ნაკრებმა ესპანეთი დაამარცხა

საქართველოს მორაგბეთა ეროვნულმა ნაკრებმა ავჭალის სტადიონზე „რაგბი ევროპის“ ჩემპიონატის ჯგუფური ეტაპის ბოლო შეხვედრა ესპანეთთან გამართა. საშინაო მატჩი „ბორჯღალოსნების“ გამარჯვებით - 38: 3 დასრულდა. ამ გამარჯვებით ქართველმა მორაგბეებმა A ჯგუფში პირველი ადგილი დაიკავეს და ნახევარფინალში გავიდნენ.

საქართველო-ესპანეთის მატჩს საქართველოს კულტურისა და სპორტის სამინისტროს სპორტისა და ახალგაზრდულ საქმეთა დეპარტამენტის უფროსის მოადგილე გიორგი არაბული დაესწრო.

საქართველოსა და ესპანეთის ნაკრებები ერთმანეთს ოცდაოთხჯერ შეხვდნენ და 20 მატჩში ქართველებმა, სამში კი ესპანელებმა გაიმარჯვეს; ხოლო 2004 წელს გამართული შეხვედრა ფრედ 6:6 დასრულდა.

„რაგბი ევროპის“ ჩემპიონატის ნახევარფინალური შეხვედრები 2-3 მარტს, ფინალი კი 17 მარტს პარიზში გაიმართება.

შეგახსენებთ, რომ რიჩარდ კოკერილის გუნდმა ჩემპიონატის პირველ მატჩში გერმანიის ნაკრები ანგარიშით 28:17 დაამარცხა, ნიდერლანდელებს კი 31:10 სძლია.

გაზიარება