ღაზის სექტორში ისრაელის სამხედრო ოპერაციას გასული დღის განმავლობაში 112 ადამიანი ემსხვერპლა, 157 კი დაშავდა. ამის შესახებ ინფორმაციას ღაზის ჯანდაცვის სამსახური ავრცელებს.

7 ოქტომბერს „ჰამასის“ წევრების ისრაელზე თავდასხმის და ისრაელის მიერ არაბულ ანკლავში სამხედრო ოპერაციის დაწყების შემდეგ ღაზის სექტორში მსხვერპლის რიცხვმა 28 775-ს მიაღწია, 68 552 ადამიანი კი დაშავდა.

ისრაელის თავდაცვის ძალებში აცხადებენ, რომ სამხედრო ოპერაციის ფარგლებში „ჰამასის“ 11 000-მდე წევრი მოკლეს. ისრაელის სამხედროები ძებნის ოპერაციას აგრძელებენ ქალაქ ხან იუნისის ნასერის ჰოსპიტალში. ისრაელის არმიის ინფორმაციით, ამ დრომდე დააკავეს 20-ზე მეტი ტერორისტი, რომლებიც 7 ოქტომბერს ისრაელზე თავდასხმაში მონაწილეობდნენ.

გაზიარება