საქართველოს პარლამენტმა გუშინდელ პლენარულ სხდომაზე ირაკლი კობახიძესა და მთავრობის შემადგენლობას ნდობა გამოუცხადა.ახალ პრემიერ-მინისტრს, ირაკლი კობახიძესა და მთავრობის შემადგენლობას მხარი დაუჭირა 84-მა დეპუტატმა, წინააღმდეგ ხმა მისცა ათმა. კენჭისყრისთვის რეგისტრაცია გაიარა პარლამენტის 105-მა წევრმა.
მთავრობის შემადგენლობაში მხოლოდ ერთი ცვლილებაა – ჯუანშერ ბურჭულაძის ნაცვლად, თავდაცვის მინისტრის თანამდებობა ირაკლი ჩიქოვანმა დაიკავა. დანარჩენი უწყებების ხელმძღვანელები საკანონმდებლო ორგანომ უცვლელად დაამტკიცა.
