„ბარსელონას“ პრეზიდენტმა, ჟოან ლაპორტამ განაცხადა, რომ ევროპის სუპერლიგა შეიძლება ინგლისური კლუბების გარეშეც გავიდეს ფონს.დღეისთვის მხოლოდ „ბარსელონა“ და „რეალი“ არიან ალტერნატიული ევროპული ტურნირის წევრები, რომლის ახალი ფორმატი 2023 წლის დეკემბერში წარადგინეს. Stadio RAC 1-ისთვის მიცემულ ინტერვიუში ლაპორტამ გამოაცხადა, რომ სუპერლიგის ჩატარების გეგმები წინ დიდი ნაბიჯებით მიდის.
„ბარსელონას“ პრეზიდენტის თქმით, სუპერლიგა, შეიძლება, 2025-26 წლების სეზონში დაიწყოს ან ერთი წლით ადრე. მანვე დაამატა, რომ არ არის აუცილებელი, ინგლისური კლუბები, რომლებიც უფრო ადრე საჯაროდ გამოვიდნენ სუპერლიგის წინააღმდეგ, პროექტის მნიშვნელოვანი ნაწილი გახდნენ. სამაგიეროდ, მან დაასახელა სერია A-ს ოთხი კლუბი, რომლებიც, მისი თქმით, მზად არიან ტურნირზე გამოსასვლელად.
„„Ბარსელონასა“ და „რეალის“ გარდა, იქ იქნებიან იტალიელები: „ინტერი“, „მილანი“, „ნაპოლი“ და „რომა“. ასევე, ფრანგული კლუბები, მაგალითად, „მარსელი“ და სამი პორტუგალიური კლუბი: „სპორტინგი“, „ბენფიკა“ და „პორტუ“, რომლებიც მოხარულნი იქნებიან სუპერლიგაში თამაშით. არიან, ასევე, ნიდერლანდელები (სავარაუდოდ, „აიაქსი“, „ფეიენოორდი“ და „ეინდჰოვენი“), „ბრიუგე“ და „ანდერლეხტი“ ბელგიიდან. 16 გუნდისგან შემდგარი ტურნირი უკეთესიც იქნება“, – განაცხადა ლაპორტამ.
