ბუდუ ზივზივაძემ „ჰამბურგთან“ მორიგი გოლი გაიტანა და „კარლსრუეს“ ერთ-ერთ ლიდერთან გამარჯვებაში (4:3) დაეხმარა. ბუდუს თამაშს „კარლსრუეს“ ოფიციალურ ვებგვერდსა და სხვადასხვა სოციალურ ქსელებში საინტერესო გამოხმაურებები მოჰყვა.

„ბუდუ ზივზივაძე „ჰამბურგთან“, უბრალოდ, შეუჩერებელი იყო!“ – წერს „კარლსრუეს“ „ტვიტერის“ გვერდი.

„ეს ბიჭი ნამდვილი ფენომენია! მისი შეჩერება „ჰამბურგის“ მცველებს ძალიან უჭირდათ“, – ეს უკვე „კარლსრუეს“ ფეიქბუქის გვერდის პოსტია.

ევრო 2024-ის პლეი ოფში ლუქსემბურგთან მატჩამდე საქართველოს ნაკრების ფორვარდი შესანიშნავ ფორმაშია – 29 წლის ზივზივაძემ ოთხ ტურში მესამე გოლი გაიტანა, სულ კი ბოლო ცხრა შეხვედრაში მის ანგარიშზე ექვსი გოლია და მატანოვიჩთან და ვანიცეკთან ერთად, „კარლსრუეს“ საუკეთესო ბომბარდირია.

გაზიარება